نسمع بالطرق والعرق والسفوف ممكن توضح للسادة القراء ما هي ؟
الطرق والعرق هو(الكي) الذي يكون في أسفل الرجل من تحت الكعب على شكل زائد وهذ إذا صار عندك بشمة أو مغتبط باﻷكل اللي يسمونه الحين تلبك معوي ولا داخلك برد ببطنك ما يحتاج يلطعونك باكوس العرق والطرق برجلك واحيانا الرجلين الثنتين وبعد يخلونك تشم ريحة الكوية وبأمر الله تقوم من ساعتك ما بك (ما فيك) إلا العافية وأحيانا يعطونك اللهوم بعد الكوي واللهوم والسفوف واحد.
السفوف أو اللهوم هو مجموعة أعشاب يخلطونها مع بعض و تدق جيدا لين تصير ناعمة مثل الدقيق وتتكون على حسب معرفتي وكل الناس لهم طرق تختلف عن الأخرى منهم يضع عشب معين ويترك نوع آخر وممكن ناس أخرى كذلك تستخدم أعشاب غير فأنا أبي أذكر لكم اللي أعرف وكلا له طريقة تحضير غير اﻵخر الاعشاب اللي اعرف أنها توضع بالسفوف الجعدة والقيصوم والبعيثران والشيح والدوم وكمون وسكر نبات هذه هي معرفتي.